މިއަދި ފެށުނު ށ. އަތޮޅުގައި ބޭއްވޭ އެންމެ ބޮޑު ފުޓްސަލް މުބާރާތް މިލައުތުރު ފުޓްސަލް ފިއެސްޓާގެ ގްރޫޕް އޭ ފުރަތަމަ މެޗް ކަނޑިތީމް ކާމިޔާބު ކޮއްފިއެވެ.

ގްރޫޕް އޭ ގެ ފުރަތަމަ މެޗް މިއަދު ހަވީރު ކުޅެފައިވާއިރު ށ.ފީވަށް އަތުން ށ.ކަނޑިތީުް ވަރީ ތަަަފާތު ބޮޑު ނަތީޖާއަކުން މެޗް ކާމިޔާބުކޮއްފައެވެ. އެގޮތުން ފީވަށް ކޮޅަށް ކަނޑިތީމު ޓީމުން 5 ލަނޑު ޖަހާފައިވާއިރު ކަނޑިތީމް ކޮޅަށް ފީވަށް ޓީމަށް ޖެހިފައި ވަނީ އެންމެ ލަނޑެކެވެ. ކަނޑިތީމު ޓީމަށް ގޯލް ޖަހާދީފައިވާ ކުޅުންތެރިންނަށް ބަލާ އިރު އެ ޓީމްގެ ޖިނާން، ޝާން އަދި ރައުލް ހިމެނެއެވެ. މި މެޗުގެ މޭން އޮފް ދަ މެޗް ކަން ލިބިފައި ވަނީ ކަނޑިތީމު ޓީމުގެ ޖާޒީ ނަންބަރު 8 ރައުލް ނިޔާޒް އަށެވެ. ރައުލް ވަނީ އެ ޓީމަށް 3 ލަނޑު ކާމިޔާބު ކޮށްދީފައެވެ.

މިލައުތުރު މުބާރާތަކީ2022 ވަނަ އަހަރުން ފެށިގެން ށ. އަތޮޅު ކައުންސިލގެ ފަރާތުން އަތޮޅުގެ ހުރިހާ ރަށްތަކަށް ހުޅުވައިލައިގެން ގެންދެވޭ މުބާރާތެކެވެ. އެގޮތުން މި އަހަރުގެ މުބާރާތުގައި ށ. އަތޮޅުގެ 14 ޓިމަކުން ވަނީ ބައިވެރި ވެފައިވާއިރު ގްރޫޕް އޭ ގައި 7 ޓީމް އަދި ގްރޫޕް ބީ ގައި 7 ޓީމް ހިމެނެއެވެ. މިއަދު މުބާރާތް ފެށިގެން ގޮސްފައިވާ އިރު މުބާރާތް ކުރިއަށް ގެންދަން ހަމަޖެހިފައި ވަނީ ގްރޫޕް އުސޫލުންނެވެ. ގްރޫޕް އޭގެ މެޗްތަށް ށ.ގޮއިދޫގައި ކުޅެން ހަމަޖެހިފައިވާ އިރު މި މުބާރާތުގެ ގްރޫޕް ބީގެ ހުރިހާ މެޗެއް ކުޅެން ހަމަޖެހިފައި ވަނީ ށ.މާއުނގޫދޫގައެވެ.