ހައްދުންމަތީގެ ހުރިހާ ރަށަކަށް ހުޅުވައިލައިގެން ލ.އިސްދޫ ކަައުންސިލުން އިންތިޒާމު ކުރާ “އަބްދުﷲ ފަޔާޒް އިސްދޫ ކައުންސިލް ފުޓްބޯލް ޖެލެންޒް 2023” ފެށުން މާދަމާ (3 ޑިސެމްބަރު) އަށް ލަސް ކޮށްފިއެވެ.

މުބާރާތް އިންތިޒާމު ކުރާ އިސްދޫ ކައުނސިލްގެ އޮފިޝަލަކު މިލައުތުރު ނޫހަށް ހިއްސާ ކޮށްފައިވާ ގޮތުން މޫސުން ތަން ނުދިނުމުގެ ސަބަބުން މުބާރާތް ފެށުމުގެ ގޮތުން މިއަދު ހަވީރު ކުޅުމަށް ހަމަޖެހިފައިވާ މެޗު މާދަމާ ކުޅޭ ގޮތަށް ވަނީ ފަސް ކުރެވިފައެވެ. މުބާރާތް ފެށުމުގެ ގޮތުން ފުރަތަމަ މެޗުގައި ވާދަ ކުރުމަށް ހަމަޖެހިފައި ވަނީ ކުލަބް ނާރެސް އަދި ބީން އެންކަރޭޖިން ސޮސައިޓީ އެވެ.

ލ. އަތޮޅުގެ 5 ރަށަކުން ޖުމްލަ 5 ޓީމެއް ބައިވެރިވާ މި މުބާރާތުގައި 10 މެޗު ކުޅޭ ގޮތަށް ވަނީ ހަމަ ޖެހިފައެވެ. މި މުބާރާތު މެއިން ސްޕޮންސަރ އަކީ ޢަބްދު ﷲ ފަޔާޒްއެެވެ. އަދި މުބާރާތް ޝަރަފުވެރި ކޮށްދިނުމަށް ހަމަޖެހިފައި ވަނީ ލ. އަތޮޅު ކައުންސިލްގެ ރައިސް ރައީސް އިސްމާޢީލް ޢަލީއެވެ. އޮފިޝަލް މީޑިއާ ޕާޓްނަރެއްގެ ގޮތުގައި މި މުބާރާތުގައި ހަރަކާތްތެރި ވުމަށް ހަމަޖެހިފައިވަނީ މިލައުތުރު އޮންލައިން އެވެ.