ދިވެހިރާއްޖޭގައި ބޭއްވޭ އެންމެ ބޮޑު ފުޓްސަލް މުބާރާތް ކަމުގައިވާ ގޯލްޑަން ފުޓްސަލް ޗެލެންޖް-2025 ފެށުމުގެ ގޮތުން ގޯލްޑަން ފުޓްސަލް އެސޯސިއޭޝަނުން އިންތިޒާމުކުރި ޗެރިޓީ ޝީލްޑް މެޗު ލ. ގަމުން ކާމިޔާބުކޮށްފިއެވެ.
ހުޅުމާލޭގެ ރެހެންދި ފުޓްސަލް ދަނޑުގައި ރޭގައި ކުޅުނު މެޗުގައި ލ. ގަމުން މިދިޔަ އަހަރުގެ ޗެމްޕިއަން ބ. އޭދަފުށީގެ މައްޗަށް ކުރިހޯދީ 1-0 ގެ ނަތީޖާއަކުންނެވެ. މިއީ ލ. ގަމުން ގޯލްޑަން ފުޓްސަލް ޗެރިޓީ ޝީލްޑް ކާމިޔާބުކުރި ދެވަނަ ފަހަރެވެ. އެގޮތުން މިދިޔަ އަހަރު ވަނީ ތ. ތިމަރަފުއްޓާ ދެކޮޅަށް ކުޅުނު ޗެރިޓީ ޝީލްޑް މެޗު ކާމިޔާބުކޮފައެވެ.
މިދިޔަ އަހަރުގެ ފޯރިގަދަ ފައިނަލުގައި މި ދެ ޓީމު ވާދަކޮށް އޭދަފުށިން ވަނީ ޗެމްޕިއަންކަން ހޯދާފައެވެ. ލ. ގަމުން މިފަހަރުގެ މުބާރާތުގައި އެމީހުންގެ އެންމެ މަޤްބޫލު ކެޕްޓަން ހުސައިން ޝަރީފް (އޮންލީ) ނުކުޅެއެވެ. އަދި ރޭގެ މެޗުގައި އަލީ ސާމިސް (ތޮއްޕެ) ވެސް ކުޅެފައެއް ނުވެއެވެ.
