ށ. ނަރުދޫ ކައުންސިލް އާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީއާ ބަރަކާ ޗެރިޓީ މޯލްޑިވްސް އާއި ގުޅިގެން ފިޠުރު ޢީދުގެ މުނާސަބަތުގައި ކުޑަކުދިންނަށް ޢީދު ހަދިޔާ ދިނުމުގެ ހަވީރެއް މިއަދު ބާއްވައިފިއެވެ.
ކުޑަކުދިންގެ ހަވީރު އޮތީ މިއަދު ހަވީރު 17:00 ގައި އެރަށު ކުޑަކުދިންގެ ބަގީޗާގައެވެ. މި ހަވީރުގައި ރަށުގެ ގިނަ އަދަދެއްގެ ކުޑަކުދިން ބައިވެރިވިއެވެ. މި ހަރަކާތުގައި ބެހުމަށްޓަކައި ހަދިޔާ ފޯރުކޮށްދީފައިވަނީ ބަރަކާ ޗެރިޓީގެ ފަރާތުންނެވެ. އަދި އިވެންޓް އިންތިޒާމުކުރީ ނަރުދޫ ކައުންސިލްގެ ފަރާތުންނެވެ.
މި ހަރަކާތުގެ ތެރޭގައި ކުޑަކުދިންނަށް ނަމާދު ދޮޅިއާއި ބުރުގާ ހަދިޔާކުރުން ވެސް އޮތެވެ. ކުޑަކުދިންނަށް ހަދިޔާ ބައްސަވައިދެއްވީ ބަރަކާ ޗެރިޓީ މޯލްޑިވްސްގެ ރައީސް އާއި ނަރުދޫ ކައުންސިލްގެ ރައީސްއެވެ. އަދި ނަރުދޫން ލިބުނު ތަރުޙީބާ އެހީތެރިކަމަށްޓަކައި ނަރުދޫ ކައުންސިލަށާ އެންމެހާ ރައްޔިތުންނަށް ބަރަކާ ޗެރިޓީން ޝުކުރު އަދާކުރެއެވެ.
