ރައީސް މުހައްމަދު މުއިއްޒު ފުވައްމުލަކު ސިޓީގެ ރައްޔިތުންނާ ބައްދަލުކުރެއްވުމަށް އިއްޔެ ބޭއްވި ޖަލްސާގައި އެ ސިޓީގެ މޭޔަރު އިސްމާއިލް ރަފީއުއަށް ވާހަކަ ދައްކަން ފުރުސަތު ނުދީ، ޖަލްސާ ނިންމާލައިފި އެވެ.
މި ކަމުގެ މައުލޫމާތު އެނގޭ މަސްދަރަކާ ހަވާލަދީ އޮންނަލައިން ނޫހެއް ކަމަށްވާ ”އަދަދު“ ނޫހުގައި ބުނެފައިވާ ގޮތުގައި ފުރަތަމަ އޮތީ މުއިއްޒުގެ ޖަލްސާގައި މޭޔަރު ވާހަކަ ދައްކަވާ ގޮތަށެވެ. ނަމަވެސް ވަގުތު ސަލާމަތް ކުރަން ކަމަށް ބުނެ ޖަލްސާގައި ވާހަކަ ދެއްކުމުގެ ފުރުސަތު ނުދޭ ގޮތަށް ވަނީ ނިންމާފައެވެ.
އެ ނޫހުގައި ބުނެފައިވަނީ އިއްޔެ މުއިއްޒު އެ ސިޓީއަށް ކުރެއްވި ދަތުރުފުޅުގެ ތެރެއިން އެ ރަށުގައި ޕްރޮޖެކްޓުތައް ފަށަން ބޭއްވި ހަފުލާތަކުގައި ބައިވެރިވުން ފިޔަވާ އިތުރު އެއްވެސް ކަމަކަށް ފުރުސަތު ނުދޭ ކަމަށެވެ.
މި ދަތުރުފުޅުގައި ރައީސް ވަނީ އެ ސިޓީގައި ގިނަ ޕްރޮޖެކްޓުތަކެއް ހިންގެވުމަށް ބިންގާއަޅުއްވާފައެވެ.
ކިޔުންތެރިންގެ ހިޔާލު