މަރިޔަމް ޒުބައިރު (މަންދީ)ގެ މައްޗަށް ރައީސް މުހައްމަދު މުއިއްޒުގެ އަނބިކަނބަލުން ސާޖިދާ މުހައްމަދު ހުށަހަޅުއްވާފައިވާ މަދަނީ ދައުވާތަކާއި، އެ މައްސަލާގައި މަރިޔަމް ޒުބައިރުގެ މައްޗަށް ފުލުުހުން ހިންގަމުންދާ ޖިނާއީ ތަހުގީގުތަކާ ގުޅުމެއް ނެތް ކަމަށް އެ ކަމަނާގެ ގާނޫނީ ވަކީލު އާޒިމާ ޝަކޫރު މިއަދު ވިދާޅުވެ މަތިންބައިން ޖެހިއްޖެއެވެ.
އާޒިމާ ޝަކޫރުގެ ލޯފާމުން ނެރެފައިވާ ނޫސްބަޔާނުގައި ވަނީ، ރާއްޖޭގައި ވޭޕް މަނާކުރީ ރައީސްގެ ދަރިކަލަކު ވޭޕް ބޭނުން ކުރެއްވުމުން ކަމަށް ބުނެ މަރިޔަމް ޒުބައިރު ދެއްކި ވާހަކައެއްގެ މައްސަލައިގައި އޭނާއާ ދެކޮޅަށް ސާޖިދާ ހުށަހެޅުއްވީ މަދަނީ ދައުވާއެއް ކަމަށާއި، ފުލުހުން ހިންގާ ޖިނާއީ ތަހުގީގާ އެއްވެސް ގުޅުމެއް ނެތްކަމަށެވެ. އެހެން ކަމުން ޙަޤީޤަތް އޮޅޭގޮތަށް ވާހަކަތައް ނުފެތުރުމަށް އިލްތިމާސް ކުރާ ކަމަށެވެ.
އާޒިމާގެ ލޯ ފާމުން މިފަދަ ބަޔާނެއް ނެރުނީ އެކަމާ ގުޅުވާ ޕަބްލިކްގައި އެއްވެސް ވާހަކައެއް ދައްކާތީ ނޫން ކަމަށާ، އެއީ ހަމަ ސަމާލުކަން ހޯދަން ނެރުނު އެއްޗެއް ކަމަށް ބުނެ ބައެއް މީހުން ގެންދަނީ އެކަމާ ފާޑުކިޔަމުންނެވެ.
ކިޔުންތެރިންގެ ހިޔާލު