ށ. ކަނޑިތީމުގައި ކުރިއަށްދާ މިލައުތުރު ފުޓްސަލް މުބާރާތުގައި މިއަދު ހަވީރު ފޯކައިދޫ އާއި މިލަންދޫ ބައްދަލުކުރި ކުއާޓަރ ފައިނަލް މެޗް 3 – 2 ގެ ނަތީޖާއަކުން މިލަންދޫ ކާމިޔާބު ކޮށްފި އެވެ.
ފޯރި ގަދަ ކުޅުމެއް ފެނިގެންދިޔަ ކުއާޓަރ ފައިނަލް މެޗުގައި ފުރަތަމަ ލަނޑެއް ކާމިޔާބުކުރީ ފޯކައިދޫ އެފްސީ އެވެ. އެހެން ނަމަވެސް ކުޑަ އިރުކޮޅެއްގެ ތެރޭގައި މިލަންދޫ އިން ގޯލެއް ކާމިޔަބުކޮށް ނަތީޖާ ހަމަހަމަ ކުރިއެވެ.
ފުރަތަމަ ހާފު ނިމެން ކައިވެރިފައިވަނިކޮށް ފޯކައިދޫ ޓީމުގެ ޖޯޒީ ނަންބަރު 8 ޝަމާލް ވަރަށް ދުރުން ވަރަށް ބާރަށް ފޮނުވާލި ޙަމަލާއެއް މިލަންދޫގެ ގޯލުގެތެރެއަށް ފޮނުވާލައިގެން އަނެއްކާ ވެސް ލީޑު ނެގިއެވެ. ފުރަތަމަ ހާފުގެ ކުޅުން ނިމުނީ ފޯކައިދޫ ކުރީގައި އޮވެގެންނެވެ.
ފަހު ހާފުގައި ވެސް ދެ ޓީމަށް ވެސް ގޯލްޖަހާނެ ފުރުސަތުތަކެއް ލިބި ބޭކާރުވެގެން ގޮސްފައި ވެއެވެ. މިލަންދޫގެ ޙަމާލާތައް އިތުރަށް ވަރުގަދަކޮށް ފޯކައިދޫގެ ގޯލު ފޫއަޅުވާލާ އަނެއްކާ ވެސް ނަތީޖާ ހަމަހަމަ ކުރިއެވެ. އަދި މިލަންދޫގެ ބަދަލެއްނުވާ ހިތްވަރާ އަޒުމާއެކު ކުޅެ އިތުރު ގޯލެއް ކާމިޔާބުކޮށް މެޗުގެ ލީޑް އަނެއްކާ ވެސް ނެގިއެވެ.
ފަހު ހާފުގެ ފަހު މިނެޓްކޮޅު ގުނަމުންދަނިކޮށް ފޯކައިދޫއަށް ގޯލެއް ޖަހާނެ ފުރުސަތު ލިބި ބޭކާރުވެގެން ދިޔައެވެ. މެޗުގެ ފުރިހަަމަ ވަގުތު ހަމަވެ ރެފްރީ ކަށިގަނޑު ފުމެލީ މިލަންދޫ ކުރީގައި އޮވެ މެޗް ކާމިޔާބު ކޮށްގެންނެވެ.
މި މެޗުން މޮޅުވުމުން މިލަންދޫ ސެމީ ފައިނަލަށް ދަތުރުކުރީއެވެ. އަދި ފޯކައިދޫ މުބާރާތަށް އަލްވަދާއުކިޔަން ޖެހުނީއެވެ.
ކިޔުންތެރިންގެ ހިޔާލު