ޔޫކްރޭނުގައި ހަނގުރާމައެއް ފެށުވީ އެމެރިކާއިން ކަމަށް އިރާންގެ ލީޑަރު އާޔަތު ﷲ ޚާމަނާއީ ވިދާޅުވެއްޖެ އެވެ. އެމެރިކާ އަކީ ދުނިޔޭގެ ސުލްޙައަށް އޮތް ބޮޑު ނުރައްކަލެއް ކަމަށް ވެސް ތުހުމަތު ކުރެއްވި އެވެ.
ޚާމަނާއީ އިތުރަށް ވިދާޅުވީ، ރައީސް ޓްރަމްޕް އެމެރިކާގެ ރައްޔިތުންނަށާއި ޚުދު އޭނާގެ އެކުވެރި ޔޫކްރެއިންގެ ރައީސަށް ވެސް ދޯކާދީފައިވާ ކަމަށެވެ. މިދިޔަ އަހަރުގެ ތެރޭގައި 3 ދުވަހުން ޔޫކްރޭން ހަނގުރާމަ ނިމުމަކަށް ގެންނަވާނެ ކަމަށް ރައީސް ޓްރަމްޕް ވިދާޅުވިކަމަށާއި، މިހާރު އޭގެ ފަހުން ވެސް އަހަރެއް ވެއްޖެ ކަމަށާއި، ހަނގުރާމައެއް ނުނިމޭ ކަމަށެވެ. އަނެއްކާ ވެސް ޞުލްޙައިގެ ޕްލޭނެއް ތަންފީޒުކުރާ ވާހަކަދައްކާއިރު، މި ޙަޤީޤަތްތަކަށް ބަލަންޖެހޭ ކަމަށެވެ.
އަދި އެމެރިކާއިން އަޑީގައި އޮވެގެން އިޒްރޭލު ލައްވާ އިރާނަށް ދިން ޙަމަލާގައި 12 ދުވަސް ފަހުން އެމީހުންނަށް ދާންޖެހުނީ ހުސްއަތާކަމަށް ވެސް ޚާމަނާއީ ވިދާޅުވިއެވެ. އިތުރު ކުރިމަތިލުމަކަށް ގޮސްފިނަމަ ފިސާރި ރަހަ ދައްކާލާނެ ކަމުގެ އިންޒާރު ވެސް ވަނީ ދެއްވާފައެވެ.
ކިޔުންތެރިންގެ ހިޔާލު