މަކަރާ ޙީލަތް ހެދުމުގެ ތުރުމަތުގައި މިސް ޔުނިވާސްގެ ވެރިޔާ ހައްޔަރު ކުރުމުގެ އަމުރެއް ބެންކޮކުގެ ސައުތު ޑިސްޓްރިކްޓް ކޯޓުން ނެރެފި އެވެ.
މިސް ޔުނިވާސް މުބާރާތަަށް މިހާރު ވަނީ ޤާނޫނީ ބޮޑެތި މައްސަލަތަކެއްގެ ހިޔަނި އެޅިފައެވެ. މިސް ޔުނިވާސްގެ ވެރިޔާގެ މައްޗަށް ކުރެވެނީ ވަރަށް ވެސް ބޮޑެތި ތުހުމަތުތަކެވެ. އޭގެ ތެރޭގައި މަކަރާއި ޙީލަތް ހެދުމާއި، މަސްތުވާތަކެތީގެ ވިޔަފާރި އާއި ވަގަށް ހަތިޔާރު އެތެރެކުރުމާ ވިއްކުން ވެސް ހިމެނެއެވެ.
ޓެކްސްއަށް މަކަރު ހެދުމުގެ ގޮތުން ފައިސާގެ ހިސާބުތައް އޮޅުވާލުމާ ގުޅޭ މައްސަލައެއް 2022 ވަަނަ އަހަރުން ފެށިގެން ތަޙުޤީޤު ކުރަމުން ގެންދާކަމަށް ތައިލޭންޑުގެ ކަމާބެހޭ ފަރާތްތަކުން ވަނީ ކަށަވަރު ކޮށްދީފައެވެ. އަދި ޖޭކޭއެން ގްލޯބަލްގެ ވެރިޔާ މިހާރު ވަނީ އުޅޭ ވަކިތަނެއް ނޭނގޭ ގޮތަށް ފިލާފައިކަމަށް ބެންކޮކް ފުލުހުން ބުނެއެވެ.
މި މައްސަލަތައް ތިލަވެފައި މިވަނީ މި އަހަރުގެ މިސް ޔުނިވާސް ރީތީގެ މުބާރާތް ނިމުނުތާ އެއް ދުވަސް ވީ ތަނާއެވެ. އެހެން ކަމުން މުބާރާތުގައި ބައިވެރިވި ފަރާތްތަކަށް ވެސް ލިބުނީ ކުއްލި ސިހުމެކެވެ. މަޢުލޫމާތު ލިބޭގޮތުގައި ރީތީގެ މުބާރާތުގައި ބައިވެރިވުމަށް ބެންކޮކަށް ދިޔަ ބައެއް ކުދިން ވީނުވީއެއް ނޭނގި ގެއްލިފައި ވެސް ވެއެވެ. މި މައްސަލަތައް މިހާރު ގެންދަނީ ތަޙުޤީޤު ކުރަމުން ކަމަށް އިދާރާތަކުން ބުނެއެވެ.
ކިޔުންތެރިންގެ ހިޔާލު