ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިލިނގިލީގައި ދިރިއުޅޭ ރައްޔިތުންނާއި ބައްދަލުކުރެއްވި ޙަފުލާގައި އެކަނިވެރި މައެއްގެ ހުށަހެޅުމުގެ ތެރޭގައި ޒަކާތު ހައުސަށް ފާޑުކިއުންތައް އަމާޒުކުރުމުން އިސްލާމީ ކަންތައްތަކާ ބެހޭ ވަޒީރު ޑރ. މުޙައްމަދު ޝަހީމް އަލީ ސައީދު އެމަނިކުފާނުގެ ސޯޝަލް މީޑިޔާ އެކައުންޓަައް މެދުވެރިކޮށް، އެ އަންހެން މީހާގެ ޒާތީ މަޢުލޫމާތު ހާމަކުރެވިފައިވާތީ، މާފަށް އެދިވަޑައިގެންފި އެވެ.
މިނިސްޓަރ ޝަހީމް ހާމަކުރެއްވި މަޢުލޫމާތުތަކުގެ ތެރޭގައި އެ އަންހެން މީހާގެ ބޭންކް އެކައުންޓްގައި ފައިސާ ހުރިވަރު ވެސް ހިމެނެއެވެ. އެއީ ޚުދު ބޭންކުން ވެސް އެހެން އެއްވެސް ފަރާތަކަށް ހާމަކުރާނެ މަޢުލޫމާތެއް ނޫނެވެ. ދައުލަތުގެ މުއައްސަސާއަކަށް ބޭނުންވެގެން ރަސްމީ ހައިސިއްޔަތުން ލިބިވަޑައިގެންފައިވާ މަޢުލޫމާތެއް އެހެން އާންމު ކުރުމަކީ ވަރަށް ބޮޑު ގޯހެކަމަށް ބުނެ މީހުންގެ ވާޑުކިއުންތައް ވަނީ އަމާޒުވެފައެވެ.
އެ އަންހެން މީހާގެ ޝަކުވާއަކީ ޒަކާތު ހައުސް އިން އެކަށީގެންވާ ގޮތެއްގައި އެހީތެރިކަން ނުލިބުމާއި، އެކަމަށް ދައްކާ ބަހަނާތަކާ މެދު ހިތްހަމަނުޖެހިގެން ކުރި ޝަކުވާތަކެކެވެ. އެ ޝަކުވާތަކާ ގުޅިގެން ވަޒީރުގެ އިތުރުން ޒަކާތު ހައުސްގެ ވެރިންގެ ފަރާތުން ވެސް ކަށަވަރުވާ ގޮތުގައި އެ އަންހެން މީހާއަށް ވަނީ މާލީ އެހީ ފޯރުކޮށްދީފައެވެ. އަދި މިހާރު އެހީ ނުލިބެނީ ޝަރުޠު ހަމަނުވާތީ ކަމަށާއި، އެއީ ވަޒީފާއަކުން އެކަށީގެންވާ ރަނގަޅު މުސާރައެއް ލިބެމުންދާތީ އެވެ.
ކިޔުންތެރިންގެ ހިޔާލު