2 ލައްކަ ޑޮލަރުގެ އިތުރަށް ސިޔާމްގެ ހުރިހާ ރިސޯޓެއްގައި ފަންޑު ފޮށި ބަހައްޓަނީ

ޝާން މުޙައްމަދު | 30 ނޮވެމްބަރ 2025 | ޚަބަރު

އަވައްޓެރި ސްރީލަންކާއަށް އެހީވުމުގެ ގޮތުން 2 ލައްކަ ޑޮލަރުގެ އިތުރުން ސިޔާމްގެ ހުރިހާ ރިސޯޓެއްގައި ފަންޑު ފޮށި ބަހައްޓަން ނިންމައިފިއެވެ.

ސްރީލަންކާ އަށް އަރާފައިވާ “ޑިޓްވާ” ތޫފާނާ ގުޅިގެން އެ ގައުމަށް ކުރިމަތިވެފައިވާ ދަތި ހާލަތުން އަރައިގަތުމަށް ރާއްޖޭގެ މަޝްހޫރު ވިޔަފާރި
ވެރިޔާ ސަން ސިޔާމް ގްރޫޕްގެ ފައުންޑަރ އަޙްމަދު ސިޔާމް މުޙައްމަދުގެ ފަރާތުން ދެ ލައްކަ ޑޮލަރު ހަދިޔާކުރަން ވަނީ ނިންމާފައެވެ.

Advertisement
Advertisement

މި ފައިސާތައް ލަންކާއަށް ހަދިޔާކުރުމަށްޓަކައި މިއަދު ސިޔާމް ވަނީ ސްރީލަންކާ ސަފީރު މުޙައްމަދު ރިޒްވީ ހަސަންއާ ބައްދަލު ކުރައްވައިފައެވެ. މި ބައްދަލުކުރެއްވުމުގައި މިއަދު ވަނީ ދެ ލައްކަ ޑޮލަރުގެ ތެރެއިން 75،000 ޑޮލަރު ހަދިޔާ ކުރައްވައިފައެވެ.

ސިޔާމް ވިދާޅުވީ ސްރީލަންކާގެ ރައްޔިތުންގެ ފަރާތުން ދިވެހީންނަށް ވަރަށް ގިނަ ފަސޭހަތަކެއް ލިބެމުން އަންނަ ކަމަށެވެ. އެގޮތުން ތައުލީމީ ދާއިރާ އަދި އިގްތިސާދީ ދާއިރާއަށް ބެލި ކަމުގައި ވިޔަސް ލަންކާގެ ރައްޔިތުންގެ އެހީތެރިކަން ދިވެހީންނަށް ލިބޭ ކަމަށް ސިޔާމް ވިދާޅުވިއެވެ. އަދި ލަންކާއަކީ އަވަށްޓެރި ގައުމުތަކުގެ ތެރެއިން ރާއްޖެއާ އެންމެ ގާތް ގުޅުމެއް އޮންނަ އެއް ގައުމު
ކަން އޭނާ ވަނީ ފާހަގަކުރައްވާފައެވެ.

މާދަމާއިން ފެށިގެން، ސަން ސިޔާމް ގްރޫޕުގެ ދަށުން ހިންގާ ކުންފުނިތަކާއި ރިސޯޓުތަކުގައި ވެސް އެހީތެރިކަން ފޯރުކޮށްދިނުމަށް ފަންޑްރެއިޒްކުރުމުގެ ހަރަކާތްތައް ކުރިއަށް ގެންދަވާނެ ކަމަށް ސިޔާމް ވަނީ ވިދާޅުވެފައެވެ.

ކިޔުންތެރިންގެ ހިޔާލު

ކޮމެންޓްތައް

މިހާތަނަށް އެއްވެސް ކޮމެންޓެއް ކޮށްފައެއް ނެތް.