އައްޑޫ އަށް 6 މެގަވޮޓްގެ 5 ޖެން ސެޓް ގެންނަން ނިންމައިފި

ޝާން މުޙައްމަދު | 25 ނޮވެމްބަރ 2025 | ޚަބަރު

އާބާދީ ބޮޑު އައްޑޫގެ ކަރަންޓުގެ ހިދުމަތަށް ދިމާވެފައިވާ މައްސަލަ އަށް ދާއިމީ ހައްލެއް ގެނައުމުގެ ގޮތުން ހަ މެގަވޮޓްގެ 5 ޖެން ސެޓް ގެންނަން ނިންމާފައިވާ ކަމަށް ފެނަކައިން ބުނެފި އެވެ.

ފެނަކައިން މިހެން ބުނެފައި ވަނީ ރައްޔިތުންގެ މަޖިލީހުގެ ސްޓޭޓް އޯންޑް އެންޓަޕްރައިޒަސް ކޮމިޓީން ބޭއްވި ބައްދަލުވުމުގައި ފެކަނައިގެ ޑެޕިއުޓީ މެނޭޖިން ޑިރެކްޓަރު މުހައްމަދު އާރިފް އެ
ވެ. މިއަދު މުހައްމަދު އާރިފް ވިދާޅުވީ އައްޑޫގެ ކަރަންޓަށް ދާއިމީ ހައްލެއް ގެންނަން ކުރާ މަސައްކަތްތަކަށް ބަހައްޓަން ކުރިން ޕްލޭންކުރީ 10 މެގަވޮޓްގެ ޖެން ސެޓް ކަމަށެވެ. ނަމަވެސް އެ ވިސްނުން މިހާރު ބަދަލުކޮށް ހަ މެގަވޮޓްގެ ފަސް ޖެން ސެޓް ބަހައްޓަން ޕްލޭންކޮށްފައިވާ ކަމަށް ވިދާޅުވި އެވެ.

Advertisement
Advertisement

އޭނަ ވިދާޅުވީ އޭރުން ކަރަންޓް ކެޕޭސިޓީ 30 މެގަވޮޓަށް އަރާނެ ކަމަށެވެ.

ފެކަނައިގެ ޑެޕިއުޓީ އެމްޑީ ވިދާޅުވި ގޮތުގައި ހަ މެގަވޮޓް ޖެންސެޓްތައް ބަހައްޓަންކުރި ޕްލޭނާ އެކު މިހާރު އެ ޖެންް ސެޓްތައް އުފައްދަން ވެސް އެކަމާ ވާހަކަ ދެކެވުނު ކުންފުންޏާ އެކު އެއްބަސްވުމަކަށް އާދެވިފައިވާ ކަމަށެ
ވެޓް ކެނޑިއްޖެ ހާލަތެއްގައި ބެކަޕެއްގެ އިންތިޒާމު ނުހުރެދާނެތީ އެވެ.

އައްޑޫއަށް ކަރަންޓުގެ ހިދުމަތް ފޯރުކޮށްދޭ ފެނަކަ އިން ބުނެފައިވާ ގޮތުގައި އައްޑޫގެ ގުޅިފައިވާ އަވަށްތައް ކަމަށްވާ ހިތަދު އާއި މަރަދު އާއި މަރަދޫފޭދޫ އަދި ފޭދޫން ކަރަންޓް ކެނޑޭ މައްސަލަ އަށް ދާއިމީ ހައްލެއް ގެންނަން އަދި ދޮޅު އަހަރެއްހާ ދުވަސް ނަގާނެ ކަމަށެވެ.

ފެނަކައިން ބުނީ އެ ކުންފުނިން މިހާރު މި ގެންނަން އުޅޭ ވަގުތީ ހައްލުގެ ތެރެއިން ކުރިއަށް އޮތް ރޯދައިގައި ކަރަންޓު އުފެއްދޭ ކެޕޭސިޓީ 16-17 މެގަވޮޓަށް އިތުރު ކުރަން މަސައްކަތް ކުރަމުން އަންނަ ކަމަށެވެ. އަދި އެ މަސައްކަތް ވަރަށް ބާރަށް ކުރިއަށްދާ ކަމަށް ފެނަކަ އިން ބުންޏެވެ.

މިހާރު އައްޑޫގެ ޕީކް ލޯޑަކީ 13 މެގަވޮޓެވެ.

ކިޔުންތެރިންގެ ހިޔާލު

ކޮމެންޓްތައް

މިހާތަނަށް އެއްވެސް ކޮމެންޓެއް ކޮށްފައެއް ނެތް.