ކުރިޔަށް އޮތް ލޯކަލް ކައުންސިލްތަކާއި އަންހެނުންގެ ތަރައްގީއަށް މަސައްކަތްކުރާ ކޮމިޓީތައް (ޑަބްލިއުޑީސީ) ގެ އިންތިހާބަށް ކުރިމަތިލުމަށް ހުޅުވާލި ފުރުސަތުގައި މިހާތަނަށް ޖުމުލަ 1633 ފޯމު ލިބިފައިވާ ކަމަށް އިލެކްޝަން ކޮމިޝަން (އީސީ) އިން ބުނެފިއެވެ.
މި އިންތިހާބު ބޭއްވުމަށް ހަމަޖެހިފައި ވަނީ އޭޕްރީލް މަހުގައެވެ. އީސީން ބުނީ 1633 ފޯމު ލިބުނު އިރު އޭގެތެރޭގައި ޝަރުތު ހަމަނުވާ ފޯމުތައް ހިމެނޭ ކަމަށެވެ.
އިލެކްޝަނުން ހާމަކޮށްފައިވާ ތަފާސްހިސާބުތައް:
* ކައުންސިލް އިންތިހާބު – ޝަރުތު ހަމަވާ 750 ފޯމު، 183 ފޯމު ޝަރުތު ހަމަނުވޭ، އޭގެ ތެރެއިން 77 ފޯމު އަލުން ހުށަހަޅާފައިވޭ
* ޑަބްލިޔުޑީސީ – ޝަރުތު ހަމަވާ 574 ފޯމު، 126 ފޯމު ޝަރުތު ހަމަނުވޭ، އޭގެ ތެރެއިން 34 ފޯމު އަލުން ހުށަހަޅާފައިވޭ
މި ދެ އިންތިހާބަށް ކުރިމަތިލާން ހުޅުވާލާފައިވަނީ މިމަހު 17 ވަނަ ދުވަހުއެވެ. އެ އިންތިހާބުތަކަށް ކުރިމަތިލުމަށް ދިން މުއްދަތު ފެބްރުއަރީ އެއްވަނަ ދުވަހު މެންދުރުފަހު 3:30 އަށް ހަމަވާނެއެވެ.
އީސީގެ ރައީސް މުހައްމަދު ޒާހިދު ވިދާޅުވެފައިވަނީ މިފަހަރުގެ އިންތިހާބަށް ކުރިމަތިލާ ކެންޑިޑޭޓުން ފޯމު ހުށަހަޅަން ޖެހޭނީ ޕޯޓަލް މެދުވެރިކޮށް އެމީހަކު އަމިއްލައަށް އެމީހެއްގެ އީފާހުން ކަމަށެވެ.
އީސީން ބުނީ ކައުންސިލް އިންތިހާބުގައި 144,527 އަންހެނުންނާއި، 150,410 ފިރިހެނުން ހިމެނޭހެން ޖުމުލަ 294,937 މީހުންނަށް ވޯޓުލުމުގެ ހައްގު ލިބިފައިވާ ކަމަށެވެ.
ކިޔުންތެރިންގެ ހިޔާލު