ރާއްޖޭގެ ސްޕެޝަލް އިކޮނޮމިކް ޒޯންގައި ކުރެވޭނެ އިޤްތިޞާދީ މަސައްކަތްތައް ހިމަނުއްވައި ރައީސް ޑރ. މުހައްމަދު މުއިއްޒު ނެރުއްވި ގަރާރަށް އިސްލާހު ގެނެސް، ތެލާއި ގޭހާއި މިނެރަލް އެކްސްޕްލޮރޭޝަން މަސައްކަތްތައް ހިމެނުއްވުމާ ދެކޮޅަށް ކުރީގެ ތިމާވެއްޓާ ބެހޭ ވަޒީރު ޝައުނާ ވާހަކަފުޅު ދައްކަވައިފި އެވެ.
ޝައުނާ އެކްސްގައި ކުރެއްވި ޕޯސްޓެއްގައި ވިދާޅުވީ ރާއްޖޭގެ ކަނޑު މައިންކޮށްގެން ތެލާއި މިނަރަލް ހޯދޭ ގޮތަށް ގާނޫނު ބަދަލުކުރުމަކީ ވަރަށް ބޮޑު ކަންބޮޑުވުމެއް ކަމަށާއި އެއީ ކުރު ރާސްތާގެ ފައިދާއަކަށް ވިސްނާ، ސަރުކާރުން ހަދާ ވަރަށް ބޮޑު ގޯހެއް ކަމަށެވެ.
ޝައުނާ ވިދާޅުވީ، މީގެ ގެއްލުން މެރިން ބައޮޑައިވަސިޓީއަށް ކުރާނެ. ރާއްޖޭގެ މަސް ކަނޑުތައް ހަލާކުވެގެންދާނެ، އަދި ރާއްޖޭގެ ޓޫރިޒަމްގެ އަގު ވެއްޓިގެންދާނެ ކަމަށެވެ.
ވަޒީރުކަން ލިބުމާއެކު ޝައުނާ ފާހަގަކުރެވުނީ މާބޮޑަށް ތިމާވެއްޓަށް އަންނަ ބަދަލުތަކާ ގުޅޭ ބޮޑު މާހިރަކަށް ވެވަޑައިގެންނެވި ތަނެވެ. އަދި ކުރީގެ ރައީސް ޝަހީދަށް ވުރެވެސް ބޮޑަށް ޖަޒީރާ ޤައުމުތަކުގެ ޙާލަތާ މެދު ވިސްނަވާ އެ ދާއިރާގެ އެންމެ ބޮޑުު ސައިންޓިސްޓު ކަމުގައިވީ ފަދައެވެ.
ކިޔުންތެރިންގެ ހިޔާލު