ޕާކުކޮށްފައި އޮތް ޕޮލިސް ކާރެއްގެ މައްޗަށް އަންހެން ކުއްޖަކު އަރާ ވައްތަރުތައް ޖައްސާ މަންޒަރު ފެންނަ ވީޑިއޯއެއް ވަނީ އާންމުވެފައި ކަމަށާއި، އެހެން ނަމަވެސް އެ ވީޑިއޯ އިތުރަށް ނުފެތުރުމަށް ފުލުސް އޮފީހުން އިލްތިމާސްކޮށްފި އެވެ.
މިއަދު މީޑިއާތަކަށް ފޮނުވި މެސެޖެއްގައި ބުނެފައިވަނީ، ސޯޝަލް މީޑިއާގައި މިހާރު ދައުރުވަމުންދާ ވީޑިއޯއިން ފެންނަނީ އުމުރުން 15 އަހަރުގެ ކުޑަކުއްޖެއް ކަމަށާއި، ބަލަންޖެހޭ ކަންކަން ފުލުހުން ދަނީ ބަލަމުން ކަމަށެވެ.
ދަންނަވަމެވެ. މިފަދަ ކޮންޓެންޓް، ކުއްޖާއަށް ފުރައްސާރަ ރައްދުވާ ގޮތަށް އާންމުކުރުމާއި، އަލުން ބްރޯޑްކާސްޓްކުރުމަކީ އެ ކުއްޖާއަށް ނަފްސާނީ ގޮތުންނާއި އިޖުތިމާއީ ގޮތުން ގެއްލުންތަކެއް ލިބި، ކުޑަކުދިންގެ ހައްގުތައް ރައްކާތެރިކުރުމަށް ކަނޑައަޅާފައިވާ އަޚުލާޤީ މިންގަނޑުތަކާ ޚިލާފު ކަމެކެވެ.
ފުލުސް އޮފީހުން އެދިވަޑައިގެންފައި ވަނީ އެއްވެސް މީޑިއާ އިދާރާއަކުން ނުވަތަ ސޯޝަލް މީޑިއާ ޕޭޖުތައް ހިންގަވާ ފަރާތްތަކުން މި ވީޑިއޯ އެއްވެސް ސިފައެއްގައި އަލުން ހިއްސާ ނުކުރުމަށާއި، މިހާރު ހިއްސާކޮށްފައިވާ ވީޑިއޯތައް ވެސް އާންމުންނަށް ނުފެންނާނެހެން ނެގުމަށެވެ.
ކިޔުންތެރިންގެ ހިޔާލު