އަވައްޓެރި އިންޑިޔާގައި ހަލުވިކަމާއެކު ފެތުރެމުންދާ ނިޕާ ވައިރަހުގެ ނުރައްކާ ރާއްޖެއަށް އޮތް މިންވަރު ކުޑަ ކަމަށް ހެލްތު ޕްރޮޓެކްޝަން އޭޖެންސީ (އެޗްޕީއޭ)އިން ބުނެފި އެވެ.
މި ވައިރަސް ފެތުރެމުން ދަނީ އިންޑިއާގެ ވެސްޓް ބެންގާލްގައެވެ. އެ އަވަށުން ނިޕާ ވައިރަހަށް ފައްސިވި މީހުންނާ ބައްދަލުވެފައިވާ 180އަށް ވުރެ ގިނަ މީހުން މިހާރު ވަނީ ދެނެގަނެވި ކަރަންޓީންކޮށްފައެވެ. އެޗްޕީއޭއިން ބުނީ ކަރަންޓީނު ކޮށްފައިވާ މީހުންގެ ހާލަތު އެ ގައުމުގެ ކަމާ ބެހޭ ފަރާތްތަކުން ވަރަށް ގާތުން ބަލަމުންދާ ކަމަށެވެ.
އެޗްޕީއޭއިން ބުނީ މި ބަލި ޖެހިގެން އިތުރު ކޭސްއެއް މިއަދާ ހަމައަށް ފެނިފައިނުވާކަމަށެވެ. އަދި މި ކޭސްތަކާ ގުޅިގެން އިންޑިއާގެ އިތުރު އެހެން އެއްވެސް ސަރަހައްދަކުން އަދި އެހެން ގައުމަކުން އެ ބަލި ފެނިފައިވާ ކަމުގެ ރިޕޯޓެއް ކޮށްފައި ނުވާ ކަމަށް އެ އިދާރާއިން ބުންޏެވެ.
މި ވައިރަސް އާއި ގުޅިގެން އެޗްޕީއޭއިން ބުނީ މި ވަގުތު ރާއްޖެއަށް މި ބަލީގެ ނުރައްކާ އޮތް މިންވަރު ކުޑަ ކަމަށެވެ. އެހެން ނަމަވެސް، އެ އިދާރާއިން ދަނީ ހާލަތު މޮނިޓާ ކުރަމުން ކަމަށް އެޗްޕީއޭއިން ބުންޏެވެ. އަދި މި ބައްޔާ ގުޅޭ ގޮތުން އެއްވެސް ކޭސްއެއް އަދި ކޮންޓެކްޓުވި އެއްވެސް ފަރާތެއް ރިޕޯޓުކޮށްފައި ނުވާ ކަމަށްވެސް އެޗްޕީއޭއިން ބުންޏެވެ.
ކިޔުންތެރިންގެ ހިޔާލު